జాతీయ ఉపాధ్యాయ అవార్డు గ్రహీతలతో ప్రధాని నరేంద్ర మోదీ భేటీ

న్యూఢిల్లీ: జాతీయ ఉపాధ్యాయ అవార్డు (National Teachers' Awards) గ్రహీతలతో ప్రధాన మంత్రి నరేంద్ర మోదీ సమావేశమయ్యారు. ఢిల్లీలోని తన అధికారిక నివాసమైన 7, ఎల్కేఎం (7, Lok Kalyan Marg) వేదికగా ఈ ప్రత్యేక భేటీ జరిగింది. ఉపాధ్యాయ వృత్తిపై వారు చూపుతున్న అంకితభావం, విద్యార్థుల భవిష్యత్తు కోసం చేస్తున్న కృషి ఎంతో స్ఫూర్తిదాయకమని ప్రధాని ఈ సందర్భంగా ప్రశంసించారు. దేశ భవిష్యత్తును తీర్చిదిద్దడంలో ఉపాధ్యాయుల పాత్ర వెలకట్టలేనిదని ఆయన కొనియాడారు.