HomeTelangana News

తెలంగాణ

తెలంగాణకు తీవ్ర తుపాను ముప్పు.. పలు జిల్లాలకు రెడ్ అలర్ట్

బంగాళాఖాతంలో ఏర్పడిన వాతావరణ తీవ్ర అల్పపీడనం, వాయుగుండం తుపానుగా రూపాంతరం చెంది ఏపీ తీరం వైపు పయనిస్తున్న నేపథ్యంలో ఈ నెల 29న తెలంగాణ వ్యాప్తంగా భారీ నుంచి అత్యంత భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం (IMD) హెచ్చరించింది. తూర్పు, ఉత్తర తెలంగాణ జిల్లాలైన ములుగు, భద్రాద్రి కొత్తగూడెం, ఖమ్మం, మహబూబాబాద్ జిల్లాలకు ఐఎండీ 'రెడ్ అలర్ట్' జారీ చేయగా, మరికొన్ని జిల్లాలకు 'ఆరెంజ్ అలర్ట్' జారీ చేసింది.

ప్రయాణికులకు ఆర్టీసీ గుడ్‌న్యూస్.. రూ.600లకే వీక్లీ బస్సు పాస్

హైదరాబాద్ నగర ప్రయాణికుల కోసం టీఎస్‌ఆర్టీసీ సరికొత్త వీక్లీ బస్సు పాస్‌ను అందుబాటులోకి తెచ్చింది. కేవలం రూ.600 చెల్లించి ఈ పాస్ కొనుగోలు చేస్తే, గ్రేటర్ హైదరాబాద్ పరిధిలోని అన్ని రకాల సిటీ బస్సుల్లో (పుష్పక్ మినహా) ఏడు రోజుల పాటు అపరిమితంగా ప్రయాణించవచ్చని ఆర్టీసీ అధికారులు ప్రకటించారు.

అధిష్ఠానం పిలుపుతో హుటాహుటిన ఢిల్లీకి పయనమైన తెలంగాణ బీజేపీ నేతలు

బిజెపి అధిష్ఠానం పిలుపు మేరకు కేంద్ర మంత్రి బండి సంజయ్, ఎంపీ కొండా విశ్వేశ్వర్ రెడ్డి, పార్టీ ముఖ్య అధికార ప్రతినిధి ఎన్వీ సుభాష్‌లు ఆదివారం హుటాహుటిన ఢిల్లీకి బయలుదేరి వెళ్లారు. కేంద్ర హోంమంత్రి అమిత్ షా, జాతీయ అధ్యక్షుడు నితిన్ నబీన్‌లతో భేటీ కానున్న నేతలు.. రాష్ట్రంలో చేపట్టనున్న 'లోక్ తంత్ర బచావో - అరాచక్ హటావో' కార్యక్రమం, సంస్థాగత మార్పులు, భవిష్యత్ రాజకీయ వ్యూహాలపై చర్చించనున్నారు.

భారతీయ సంస్కృతికి ప్రపంచవ్యాప్తంగా గుర్తింపు పెరిగింది: ఎంపీ రఘునందన్ రావు

సిద్దిపేటలోని కొండ మల్లయ్య గార్డెన్‌లో బీజేపీ సీనియర్ నేత దూది శ్రీకాంత్ రెడ్డి ఆధ్వర్యంలో ఆదివారం నిర్వహించిన అలయ్ బలయ్ వేడుకలకు మెదక్ ఎంపీ రఘునందన్ రావు ముఖ్య అతిథిగా హాజరయ్యారు. భారతదేశం గొప్ప సంస్కృతి సంప్రదాయాలకు నిలయమని, విదేశాల్లోనూ మన సంస్కృతికి ఆదరణ పెరగడం గర్వకారణమని ఆయన పేర్కొన్నారు.

టీజీపీఎస్సీ ఏఈఈ పరీక్షను వెంటనే వాయిదా వేయాలి.. సీఎం రేవంత్‌రెడ్డికి హరీశ్‌రావు లేఖ

తెలంగాణ ఇంజినీరింగ్ అభ్యర్థుల భవిష్యత్తును దృష్టిలో ఉంచుకుని నవంబర్ 6వ తేదీన జరగనున్న టీజీపీఎస్సీ ఏఈఈ (TGPSC AEE) పరీక్షను తక్షణమే వాయిదా వేయాలని మాజీ మంత్రి, సిద్దిపేట ఎమ్మెల్యే తన్నీరు హరీశ్‌రావు ముఖ్యమంత్రి ఎ. రేవంత్‌రెడ్డికి బహిరంగ లేఖ రాశారు. SSC JE మరియు టీజీపీఎస్సీ ఏఈఈ పరీక్షలు ఒకే తేదీన ఉండటం వల్ల వేలాది మంది అభ్యర్థులు తీవ్రంగా నష్టపోతున్నారని ఆవేదన వ్యక్తం చేశారు.

జర్నలిస్టుల సొంతింటి కల సాకారం చేస్తాం: మంత్రి పొంగులేటి శ్రీనివాస్‌రెడ్డి

తెలంగాణలో వర్కింగ్ జర్నలిస్టుల సొంతింటి కలను సాకారం చేసేందుకు ప్రభుత్వం సమగ్ర కార్యాచరణ రూపొందిస్తోందని రాష్ట్ర సమాచార, రెవెన్యూ శాఖ మంత్రి పొంగులేటి శ్రీనివాస్‌రెడ్డి ప్రకటించారు. ఎలాంటి న్యాయపరమైన చిక్కులు లేకుండా వాసయోగ్యమైన ప్రాంతంలో ఇళ్ల స్థలాలను అందిస్తామని, జర్నలిస్టుల హౌసింగ్ సమస్యకు శాశ్వత పరిష్కారం చూపుతామని స్పష్టం చేశారు.

తెలంగాణ