వనపర్తి జిల్లా రైతు వేదికలో విత్తన మేళా ప్రారంభం

వనపర్తి: మండల వ్యవసాయ శాఖ ఆధ్వర్యంలో స్థానిక రైతు వేదికలో సోమవారం విత్తన మేళా నిర్వహించారు. ఈ కార్యక్రమానికి వనపర్తి జిల్లా గ్రంథాలయ సంస్థ చైర్మన్ గోవర్ధన్ సాగర్ ముఖ్యఅతిథిగా హాజరై ప్రదర్శనను ప్రారంభించారు.

ఆరుతడి పంటలపై రైతులు దృష్టి సారించాలి

కార్యక్రమంలో గోవర్ధన్ సాగర్ మాట్లాడుతూ.. వర్షాకాలం సగం గడిచినా వాతావరణంలో సానుకూల మార్పులు కనిపించడం లేదని ఆందోళన వ్యక్తం చేశారు. ప్రస్తుత పరిస్థితుల్లో రైతులు ఆరుతడి పంటల సాగుకు ప్రాధాన్యం ఇవ్వాలని పిలుపునిచ్చారు. వ్యవసాయ శాఖ వద్ద కందులు, మినుములు, మొక్కజొన్న విత్తనాలు సబ్సిడీ ధరల్లో సిద్ధంగా ఉన్నాయని, రైతులందరూ ఈ అవకాశాన్ని సద్వినియోగం చేసుకోవాలని కోరారు.

ప్రజాప్రతినిధులు, అధికారుల భాగస్వామ్యం

ఈ కార్యక్రమంలో మాజీ జెడ్పీటీసీ కేతేపల్లి రవి, మండల కాంగ్రెస్ కమిటీ అధ్యక్షుడు కే. వెంకటేష్ నాయుడు, మాజీ పిఎసిఎస్ వైస్ చైర్మన్ భాస్కర్ యాదవ్ పాల్గొన్నారు. నాయకులు వాల్మీకి నాయుడు, సర్పంచుల సంఘం అధ్యక్షుడు హేమాద్రి నాయుడుతో పాటు సర్పంచులు నాగలక్ష్మి, వాహిద్, రాజాగాడ్, అన్నేమల్లయ్య, రాములు, కిరణ్, సుజీవన్, సురేష్, ఉపసర్పంచులు, వ్యవసాయ అధికారులు (AO, AEOలు), స్థానిక రైతులు పెద్ద సంఖ్యలో హాజరయ్యారు.