వెయ్యి రోజుల పాలన వైఫల్యాలపై అసెంబ్లీలో నిలదీస్తాం

హైదరాబాద్: రేపటి నుంచి ప్రారంభమయ్యే అసెంబ్లీ సమావేశాల్లో రాష్ట్ర ప్రజలను కాంగ్రెస్ ప్రభుత్వం మోసం చేస్తున్న తీరును పూర్తిగా ఎండగడతామని బీజేఎల్పీ డిప్యూటీ ఫ్లోర్ లీడర్ పాయల్ శంకర్ తెలిపారు. తెలంగాణను దోచుకుంటున్న తీరు, కాంగ్రెస్ మోసపూరిత వాగ్దానాలపై సభలో గళం విప్పుతామన్నారు. విద్యార్థుల అవస్థలు, కాంగ్రెస్ పార్టీ వెయ్యి రోజుల పాలన వైఫల్యాలపై నిలదీస్తామని చెప్పారు. రేవంత్‌రెడ్డి ప్రభుత్వ వైఫల్యాలు, అధికారంలోకి రాకముందు ఇచ్చిన హామీలు, ఆ తర్వాత చేస్తున్న మోసపూరిత ప్రకటనలను అసెంబ్లీ వేదికగా నిలదీస్తామని పాయల్ శంకర్ పేర్కొన్నారు.