రంగారెడ్డి: తెలంగాణలో కాంగ్రెస్ పార్టీ సంస్థాగత నిర్మాణాన్ని మరింత పటిష్టం చేసే చర్యల్లో భాగంగా హైకమాండ్ కీలక నియామకాలు చేపట్టింది. సంగఠన్ సృజన్ అభియాన్ కార్యక్రమంలో భాగంగా తెలంగాణలోని పలు జిల్లా కాంగ్రెస్ కమిటీల (DCC) అధ్యక్షులను నియమిస్తూ అఖిల భారత కాంగ్రెస్ కమిటీ (AICC) జనరల్ సెక్రటరీ కేసీ వేణుగోపాల్ శనివారం (సెప్టెంబర్ 19, 2026) అధికారికంగా ప్రకటన విడుదల చేశారు.
ఈ మేరకు రంగారెడ్డి జిల్లా కాంగ్రెస్ పార్టీ అధ్యక్షురాలిగా చిగిరింత పారిజాత నర్సింహారెడ్డిను నియమిస్తూ కాంగ్రెస్ జాతీయ అధ్యక్షుడు ఆమోదం తెలిపారు. ఈ నియామకంతో పాటు రామగుండం కార్పొరేషన్‌కు ఎండీ ముస్తఫా, సంగారెడ్డి జిల్లా అధ్యక్షుడిగా పటోళ్ల చంద్రశేఖర్ రెడ్డిలను నియమిస్తూ అధిష్టానం ఉత్తర్వులు జారీ చేసింది.
ముఖ్యమంత్రి రేవంత్‌రెడ్డికి దంపతుల ధన్యవాదాలు
రంగారెడ్డి జిల్లా కాంగ్రెస్ అధ్యక్ష బాధ్యతలు దక్కడం పట్ల చిగిరింత పారిజాత నర్సింహారెడ్డి దంపతులు సంతోషం వ్యక్తం చేశారు. తమకు ఈ బాధ్యతను అప్పగించేందుకు సహకరించిన రాష్ట్ర ముఖ్యమంత్రి ఎనుముల రేవంత్ రెడ్డికి, పార్టీ రాష్ట్ర నాయకత్వానికి, హైకమాండ్‌కు వారు ప్రత్యేకంగా ధన్యవాదాలు తెలిపారు. పార్టీ అభివృద్ధికి, కార్యకర్తలను సమన్వయం చేసుకుంటూ జిల్లాలో కాంగ్రెస్ పార్టీ బలోపేతానికి పూర్తి స్థాయిలో కృషి చేస్తామని ఈ సందర్భంగా పేర్కొన్నారు. ఈ నియామకం పట్ల రంగారెడ్డి జిల్లావ్యాప్తంగా ఉన్న కాంగ్రెస్ పార్టీ నాయకులు, కార్యకర్తలు నర్సింహ రెడ్డి, పారిజాత దంపతులకు శుభాకాంక్షలు తెలుపుతున్నారు.
Read latest Telangana News and Telugu News
Updated: 19 Sept 2026 | 10:58 PM IST
Tags: