డిండి ప్రాజెక్టు అంశంపై సచివాలయంలో మంత్రులతో భేటీ అయిన ఎమ్మెల్యే కసిరెడ్డి

ఆమనగల్లు / హైదరాబాద్: డిండి ప్రాజెక్టు అంశంపై ఉమ్మడి మహబూబ్ నగర్ జిల్లా మంత్రులతో గురువారం సచివాలయంలో అత్యవసర సమావేశం నిర్వహించారు. ఈ కీలక సమావేశంలో రాష్ట్ర నీటిపారుదల శాఖ మంత్రి ఉత్తమ్‌కుమార్ రెడ్డి, ఎక్సైజ్ శాఖ మంత్రి జూపల్లి కృష్ణారావు పాల్గొని పలు కీలక విషయాలపై చర్చించారు.

ఈ సందర్భంగా డిండి ప్రాజెక్టు పరిధిలోని వివిధ ప్రాంతాలకు సాగునీటి సరఫరా, భూ సేకరణ ప్రక్రియతో పాటు దేవరకొండ, నల్లగొండ ప్రాంతాలకు నీటి పంపిణీకి సంబంధించిన అంశాలపై విస్తృతంగా చర్చించారు. ఈ విషయాలన్నింటిపై పూర్తి సమన్వయంతో ముందుకు సాగి, స్థానిక ప్రజలకు మరియు రైతులకు పూర్తిస్థాయిలో న్యాయం జరిగేలా తక్షణ చర్యలు తీసుకోవాలని సమావేశంలో నిర్ణయించారు.

ఈ అత్యవసర సమావేశంలో ఎమ్మెల్సీ కూచుకుళ్ల దామోదర్ రెడ్డి, కల్వకుర్తి ఎమ్మెల్యే కసిరెడ్డి నారాయణరెడ్డి, రాజేష్ రెడ్డి, ఇరిగేషన్ శాఖ చీఫ్ ఇంజనీర్ (సీఈ) విజయ్ భాస్కర్ తదితర ప్రముఖులు పాల్గొన్నారు. ప్రాజెక్టును త్వరగా పూర్తి చేసి సాగునీటి అందజేతకు తీసుకోవాల్సిన ప్రత్యామ్నాయ చర్యలపై నేతలు దిశానిర్దేశం చేశారు.